पथलैयाको जंगलमा अचेत अवस्थामा भेटिए ४२ वर्षीय पुरुष, पहिचान खुल्न सकेन

बाराको पथलैयास्थित जंगलभित्रको झाडीमा एक जना पुरुष अचेत अवस्थामा फेला परेका छन्। उनको हालसम्म पहिचान खुल्न सकेको छैन।

जिल्ला प्रहरी कार्यालय बाराका अनुसार २०८३ साल कात्तिक १९ गते बिहान करिब १० बजे जीतपुरसिमरा उपमहानगरपालिका–१ स्थित पथलैया चोकबाट करिब एक किलोमिटर उत्तरतर्फ जंगलभित्रको झाडीमा ती पुरुष अचेत अवस्थामा भेटिएका हुन्।

करिब ४२ वर्ष उमेरका देखिने ती पुरुषलाई प्रहरी चौकी पथलैयाबाट खटिएको टोलीले उद्धार गरी उपचारका लागि वीरगन्जस्थित नारायणी न्युरो अस्पताल पठाएको प्रहरीले जनाएको छ।

प्रहरीका अनुसार उनको वर्ण गहुँगोरो, उचाइ करिब ५ फिट ५ इन्च र कपाल कालो रहेको छ। फेला पर्दा उनले नीलो रङको जिन्सको हाफ पाइन्ट र खरानी रङको टी–सर्ट लगाएका थिए।

अचेत अवस्थामा भेटिएका ती पुरुषको पहिचान खुल्न नसकेपछि प्रहरीले उनलाई चिन्ने व्यक्ति तथा आफन्तलाई जिल्ला प्रहरी कार्यालय बारामा सम्पर्क गर्न अनुरोध गरेको छ।

उनको पहिचानबारे कुनै जानकारी भएमा प्रहरीको सम्पर्क नम्बर १००, ९८५५०४५१०१ वा ९८५५०४८१०१ मा जानकारी गराउन प्रहरीले आग्रह गरेको छ।